✅ वसुबारस म्हणजे काय?
गोवात्स हा दिवाळीच्या सणाची सुरुवात करणारा एक पवित्र दिवस आहे. हा दिवस धनत्रयोदशीच्या एक दिवस आधी असतो . या दिवशी गायी आणि वासरांचे पूजन केले जाते. “वसु” म्हणजे पशुधन (गाय, वासरं) आणि “बारस” म्हणजे द्वादशी — म्हणजेच कार्तिक महिन्यातील शुक्ल पक्षातील द्वादशी तिथी.
हा सण मुख्यतः काही शहरी भागामध्ये ज्या लोकांकडे गायी आहेत व शेतकरी आणि पशुपालक समुदायासाठी खूप महत्त्वाचा असतो.
📅 वसुबारस २०२५ मध्ये कधी आहे?
वसुबारस : १७ ऑक्टोबर २०२५ या तारीखला शुक्रवारी आहे.
तिथी: शुक्ल द्वादशी (कार्तिक महिना) व शुभ मुहूर्त: सकाळी ८:०० ते ११:३० (टिप:- पंचांगानुसार वेळ बदलू शकतो पंचांग/कॅलेंडर पाहून तिथीची खात्री करून घ्या)
🙏 वसुबारस का साजरी करतात?
वसुबारस साजरी करण्यामागे धार्मिक आणि सामाजिक दोन्ही कारणं आहेत:
- गाई आणि वासरांचे महत्त्व
गाईला हिंदू धर्मात मातेसमान मानले गेले आहे व अजूनही मानले जाते . तिच्या पूजनाने घरात समृद्धी, आरोग्य आणि चांगला परिणामकारक काळ येतो, असा समज आहे.
2. पशुधनाची काळजी आणि सन्मान
या दिवशी आपल्या उपजीविकेचा भाग असलेल्या गाई, बैल, वासरं यांच्याप्रती काळजी कृतज्ञता व्यक्त केली व त्यांचा सन्मान जाते. ते देखील आपल्या कुटुंबासारखेच सदस्य असतात.
- दिवाळीच्या सणाची शुभ सुरुवात
गोवात्स हा दिवाळीच्या ५ दिवसांच्या सणाची सुरूवात करणारा पहिला दिवस आहे. त्यामुळे या दिवशी वातावरण भक्तीमय व आनंदमय असते.
🪔 वसुबारसच्या दिवशी काय करावे?
✅ 1. गाईंची पूजा करा
- गायींना वासरासह अंघोळ घालावी
- त्यांना हळद-कुंकू, फुलं, हार, आणि अक्षता वाहाव्यात
- गाईच्या अंगाला तेल लावून सजवले जाते
- गाईच्या पुढे दीप लावून आरती केली जाते
✅ 2. घरात पूजा व व्रत
- घरात श्रीकृष्ण किंवा वासुदेवाची पूजा केली जाते
- दिवा लावून पंचोपचार पूजा करावी
- उपवास ठेवला जातो (काही स्त्रिया विशेष व्रत करतात)
✅ 3. फराळाची सुरुवात
- काही ठिकाणी गोवात्स द्वादशीच्या दिवशीच फराळाची सुरुवात होते
- घरात हलके-फुलके पदार्थ बनवले जातात
✅ 4. दानधर्म
- गोरगरिबांना अन्नदान, वस्त्रदान करणे अत्यंत पुण्याचं मानलं जातं
📖 वसुबारसशी संबंधित पारंपरिक कथा (संक्षेपात)
एकदा गृहिणीने आपल्या गाय-वासराच्या सेवेमध्ये मनापासून प्रेम आणि श्रद्धा ठेवली, त्यामुळे तिच्या घरात दरवर्षी लक्ष्मीचे आगमन झाले, असा समज आहे. म्हणूनच या दिवशी गाईच्या रूपात लक्ष्मीचे पूजन केले जाते.
📌 वसुबारसला कोणते नियम पाळावेत?
- गाईची सेवा निष्ठेने करावी
- घरात शुद्धता राखावी
- घरातील सर्व सदस्यांनी गाईच्या पूजेत सहभागी व्हावे
- फटाके फोडणे टाळावे (प्राणीत्रास टाळण्यासाठी)
- बैठे खेळ खेळावे , उखाणे घावे अशाच नवीन खेळ खेळासाठी click करा